اليوم سنتكلم عن كاربت معشوقة الاحواض المزروعة خاطفة و الانظار و حيرت الكثير من المربيين هى دوارف هير جراس …..

الاسم علمي

Eleocharis (E. parvula and E. acicularis) الاسم التجارى : dwarf hairgrass

النبتة دى كل المواقع العالمية قالت انها نبتة لوتيك عادى جداااا و خصوصا ان البيئة الى كانت بتعيش فيها بيئة مستنقعات عكرة طينية و الاغرب من كده انه فى الاصل كان بيعيش فى مياة شبة مالحة (براكش) فى دول شرق اسيا و بعد كده اتأقلمت و طورت نفسها فى المستنقعات العذبة … (مهم جدا تعرف هى كانت بتعيش ازاى عشان ده هيفهمنا ازاى كانت بتعيش )

اسرار زراعة الدوارف مينى هير جراس :

اولا النبتة دى ترتاح جدا فى التربة شبهة ناعمة (يعنى حجم الحصوة 1_2 فى حجم حبة الرز بسمتى مثلا) يعنى التربة 3مم خارج حسابتنا … تتزرع فى مقدمة الحوض

ثانيا النبتة دى لما تيجى تزرعها لازم الجدور تكون مدفونه بالكامل تحت التربة بمسافات متباعدة

ثالثا خد السر ده بقى اول ما تزرعها قلم /قص اطراف النبتة دى عشان تديها حافز على الانبات و عمل رنرات سفليه جديده وتنمو بشكل اسرع كما قال (خف الشواش تطلع جديد) shrimp corner

رابعا الاحتياج الى التسميد المنتظم جدا و الاخص العناصر الكبرى

خامسا جميع المواقع العالمية قالت النبتة دى بتاخد من اسبوعين الى شهر للبدأ فى النمو و ملئ الفراغات

سادسا اذا كان تصنيفها لوتيك فتوجد توصيات عالمية بتوفير غاز ثانى اكسيد الكربون بشكل كبير مع اضاءة متوسطة (30Lm) للنمو بشكل اسرع و افضل

اليك بعض المشاكل التى من المحتمل ان تظهر :

اذا اصابة اللون البنى و لا ينمو جدا .. انت مع مشكلة فى العناصر المغذية و خصوصا الكبرى (نيتروجين/فوسفات/بوتاسيوم)

اذا اصابتة اى نوع من الطحالب هذا ايضا بسبب الطحالب لان النبات اصبح ضعيف و تمكنت منة الطحالب و لا بد من المعالجة ثم التغذية .

قبل شرح نبتة الجابى جراس انصح باستخدام جيفت فى زراعته و خصوصا الجيفت المعووج بسبب ان النبات ساقة صلب نوعا ما و معرض للكسر

الجابى جراس نبتة مصنفة انها لوتيك  لسهولة تربيتها و تأقلمها مع كافة معاملات الماء و سريعة النمو بالمقارنة عن باقى جميع انواع الكاربت لذلك ينصح بها للمبتدئين

لها قدرة رهيبه  فى التغذية على المعادن الثقيله بالماء و التخلص من الامونيا و انتاج الاكسجين ، هذا النوع من النباتات مرشح و بقوة لاحواض الشريمب للاسباب السالف ذكرها

على الرغم من ان اسمه يدل على انه نبات كاربت الا انه ينمو لاحجام تصل 30 سم و هذا السبب يجعله ايضا مرشح بقوة لاحوض تفريخ اسماك الجوبى لاختباء الزريعة فيها لكن تابعها بتقليم أول بأول

يفضل زراعتها فى تربة حصوة حجم 2مم شبه ناعمة مثلها مثل باقى  انواع الكاربت و فى مقدمة الحوض يتحمل درجة حرارى حتى 28 درجة