الدليل الشامل لزراعة حوض نانو 50/60 لتر

لو انت عندك حوض 50 _60 لتر و عاوز تزرعة نباتات و تتمتع بحوض نباتى بصحة و شكل كويس يبقى انت هنا و الموضوع ده يخصك .. لاننا هنتكلم عن كافة التفاصيل الى تخص حوضك و ازى تنجح معاه بأذن الله .

لو حوضك من فئة ال 50 _60 لتر للازم تعرف احتياجات حوضك كويس جدااااا عشان متدخلش فى دوامة مشاكل وإحلال و تجديد لمستلزمات انت فى غنى عنها و اقولك كلمة مهمة ان الاحواض من الفئة دى مش سهلة اوى ولا صعبة اوى .

الاضاءة :

لو حوضك مستورد من الفئة دى من واقع تجاربي مع احواض كتير الجاهزة ( الصينى /مستورد) الاضاءة بتاعتة لا تصلح لحوض مزروع لان لما نحسب احتياج الحوض الفعلى من الاضاءة 50 لتر × 20 ليومان =1000 ليومان ولو 60 =1200 ليومان مقارنة بالاضاءة الى جاية مع الحوض فهى ضعيفة جدا ومحتاجة تعديل …

و يا سلام بقى لو حوضك متفصل جديد يبقى ريحت نفسك و هتشترى اضاءة بنفس القوة الى ذكرتها فوق مع اكتبار اللمبة السبوت أليوس 4 وات =400 ليومان ( هتشترى لمبتين سبوت ابيض. + واحد وورم اصفر ) لتوفير بند الاطياف بواقع 6 ساعات يوميا فقط فى نفس الميعاد .

الفلتر :

الفلترة مهمة جدا تنضيف للحوض و كعامل تيار مهم لصحة الحوض. غالبا الاحواض المستوردة بتيجى معاها فلاتر جاهزة قوتها مناسبة لفترة الحوض … اما الاحوض المفصله الحلول قدامك كتير .

سخان ثرموستات لا غنى عنه فى الشتاء حجم ال 50 وات او 25 وات كويس جدا للمقاس ده .

إما فلتر هانج .

او بورهيد 5 وات او 8 وات

او فلتر بيولوجى بماتور هواء خارجى .

الاحياء :

حجم الحوض ده يفرض عليك شريحة و عدد معين من الكائنات الحية و هقولك اية الى ينفع :

الحوض ده جامد اوووووى لو تربى فيه شريمب (بس خلى بالك ابقى قفل فتحة الفلتر بقطعة شبك عشان الشريمب متضربش فى الخلاط ) لو معلوماتك و خبرتك حلوة مع الشريمب هاتلك 15 -10 حتت و ربيهم فيه .

لو هتربى سمك و بلاش شريمب معاك :

الجوبى (4-6)

الفايتر (1)

جورامى (3-4)

تيترا ( 5 ) زيبرا دانيو (4-6)

القواقع ككائنات خدمية كويسة جدا زى الهورنت و الزيبرا سنيل و لو لاقيت بريستل نوز هات واحده و لو لا قيت اوتو كات هاتلك 2 .

الجرش :

الحوض ده ياخد ركيزة او جرش تقريبا (12- 15 كيلو ) عشان نوصل لارتفاع 5سم … انصح بالظلط /رمل حجم 1مم بتاع الفلاتر .. و انصح ب الكوارتز نفس الحجم .

التسميد :

بشدد بلاش فيرمى كومبوست و بيتموس خصوصا حجم الحوض ده عشان الامونيا و الطحالب … انصحك بأستخدام تسميد سائل بجرعات يومية .. ولو انت من مستخدمين اسمدة SHAHEN FARM هتستخدم نص الجرعات المذكوره فى جداول التسميد .

نيجى بقى للنباتات :

عاوز اقولك فى ناس بتدخل مسابقات دولية بمقاس الحوض ده و ال اصغر منة بس المهم فى ترتيبك للحوض و اختيارك للنباتات المناسبة لحجم حوضك زى:

لوبيليا كاردنالس .

هجروفليا صن سيت

هجروفليا سايميز

باكوبا كارولينا .

باكوبا منيري.

هجروفليا بليسبيرما

لودجيا ناروليف

روتالا روتندفوليا.

سيسفلورا .

هيدروكتيل ليكوفالا.

هيدروكتيل تريبلتيتا.

جافا موس او كريسمس كوس او تايوان موس او تشاينز موس او ويبينج موس ( حسب لو استخدمت صخور و اخشاب فى الحوض ) وظف الصخور و الخشب بشكل بسيط ومنظم .

ممكن فيرن وندلوف

ممكن جافا فيرن شورت ليف( جينها ورقتة صغيره )

انوبيس باريتارى

بوسفلاندرا

الكاربت ( HM سهل … ستار جراس متوسط النمو .. هير جراس بطيئ النمو .. مارسليا مينى بطئ النمو .. مارسليا جاينت متوسط النمو ) .

الاخطاء الشائعة فى التعامل الحوض فى فئة ال 50 -60:

تربية اسماك الجولد فى المقاس ده .

تربية اسماك السيكلد.

سمك السورد و الانجل و المولى غير مستحب فى المقاس ده .

زى ما حذرت من التسميد العضوى فى المقاس ده .

لا يفضل نباتات الامازون و الكريبتو كورين و الفالسناريا و الساجيتاريا فى مقاس الحوض ده لانها نباتات تحتاج لمساحات و ان كان للكربينو كورين حب فى الاقتناء ممكن قطعة واحدة فقط تكدس الحوض بالنباتات و الاسماك

المقال ده هيفضل متجدد بأضافة معلومات بأستمرار .. منتظر أرائكم و تجاربكم

. #shahen_farm_aquscape #معمل_النباتات #كن_ملك #No_Algae_No_Snail 🐌